Dadansoddi

Y Dyn Rhydd


Qing Niao

Amser darllen: 6 munud

22·05·2018

Mae'r Tsieineaid yn hoff o ddilyn ffasiwn ac wrth eu boddau yn trwytho eu hunain mewn moethusrwydd, lliwiau a phatrymau. Yn bwysicach na dim i'r Tsieineaid y mae gwneud yr argraff iawn: mae'r awydd i dynnu sylw yn gryf ond hefyd yr awydd i gadw wyneb. Pobl sy'n swmera ydym – wedi ein gwisgo mewn dillad gwaith. Yn ein plith ceir hefyd yr hyn a adnabyddaf fel gwag-swmeriaid prysur.

Byw yn y wlad y mae'r gweithwyr hyn. Wedi pob tymor o waith mawr amaethyddol ymgasglant mewn ardaloedd penodol. Ar gyrion pethau y clustnodwyd yr ardaloedd hyn ganddynt. O dro i dro, daw cyflogwyr yma i chwilio amdanynt.

Gwisgant yn debyg i'w gilydd. Dillad hen yr olwg fel arfer, o liw glas neu wyrdd tywyll; cap glas ar yr hen ffurf filitaraidd ond heb y seren goch; pâr o sgidiau du lledr, a'r sawdl o blastig (yn draddodiadol, fe'u gwnaethpwyd â llaw gyda sawl haenen o ddefnydd wedi eu rhwymo'n droellog a'u gwnïo ag edafedd cotwm). Er na ddynodir eu proffesiwn gan eu dillad llychlyd, maent yn gosod ac arddangos eu hunain ag arddeliad, eu hoffer parod yn eu dwylo. Yr offer sy'n dynodi natur eu gwaith.

Fel milwyr bychain, mae'r rhawiau'n gorwedd, un yn ochr y llall, ers y bore. Mewn cornel, gorffwys y rholiwr paent ar flaen ei garn hir; caiff ambell roliwr ei ddal mewn llaw, a thro arall, ei wnïo'n sownd mewn bag trwm a ollyngwyd ar lawr. Yn y bag hwn, o ddefnydd gwyrdd tywyll, y cedwir yr holl offer yn drefnus. Dim ond un boced sydd i'r bag a fflap yn cau amdano gyda'r geiriau 'Trydanwr Rhyngwladol' neu 'Gwneuthuriad Graenus a Solet'.
 

Llun gan Qing Niao: Y Dynion Rhydd wedi ymgynnull yn Xining, Qinghai, Awst 2014
 

Mae'r offer a'r bagiau fel petaent yno i arwyddo cymhwyster. Ond weithiau, ceir cardiau busnes ym mhocedi'r gweithwyr hyn a'r enw, yr arbenigedd a'r rhif ffôn yn unig wedi eu cofnodi. Ffurfir grwpiau ganddynt ar sail cydweithredol; ceir y nafis i ofalu am y ffyrdd, y plastrwyr, yr adeiladwyr... Dônt i drefniant ymysg ei gilydd ac yna, rhoddir rhwydd hynt i'r cwsmeriaid. Maent yn griw siaradus. Yn ystod y dydd, yn eu hamser hamdden, fe'u gwelwn yn chwarae pocer efo mymryn o bres. Fel arall down o hyd iddynt yn amgylchynu cwsmer neu ddau, eu cardiau busnes wedi eu codi i'r awyr, yn mynnu'n groch: Fi! Mae brwdfrydedd yn cael ei werthfawrogi ac mae'r offer yn eu dwylo yn arwydd digamsyniol o'u busnes.

Pobl gynnes ydynt, gyda digon o amser i sbario. Fel gwynwy yn glynu mewn melynwy, amgylchynant eu cwsmer. Unwaith mae pawb yn gytûn ar y cyflog, bydd un ohonynt wedi ei hurio, ond nid yw hynny'n golygu ei fod yn well na'r lleill.

Gofynnais iddynt 'pam nad ewch chi i weithio i gwmni?' Meddyliais y byddai mwy o alw yno, cyflog sefydlog o leiaf, a gwaith bob dydd. Ond meddant dan wenu: 'Os na ddaw pres heddiw, daw pres fory'.

Mae'r Tsieineaid ar y cyfan yn mwynhau cael enw da. Maent yn ofalus o'u hymddangosiad; does a wnelo hyn ddim oll â'u haddysg, eu meddylfryd, eu syniadau, sydd yn groesddywediad rywsut. Ond i'r gwrthwyneb, mae'n well gan y gwag-swmeriaid prysur eu rhyddid. Fe'u galwaf yn ryddfreinwyr, yn ddynion rhydd (er nad ydynt mewn gwirionedd yn rhydd). Maent yn byw heb eu hymrwymo'n gymdeithasol a hynny'n eu taro'n drefniant mwy cyffyrddus. Democratiaeth byd gwaith yw hon – democratiaeth sy'n annibynnol ar wleidyddiaeth. Yma, ymhlith y clystyrau hyn o weithwyr, gadewir y dewis i'w cwsmeriaid. Ond mae ganddynt hwythau'r gweithwyr ddewis hefyd – i weithio neu i beidio â gweithio. Nid democratiaeth ydyw, mewn gwirionedd, ond ffordd o fyw ar sail dewis personol. Onid dyna'ch dymuniad chithau yn y Gorllewin?


'Deg mlynedd sydd ers fy mod yn byw fel dieithryn – yn ddieithryn yn Ffrainc yn ogystal ag yn fy ngwlad enedigol, Tsieina. Y mynd a dod rhwng y ddwy wlad hyn sydd wedi ffurfio fy hunaniaeth ddwbl. Euthum i'r arfer o ddadansoddi ac yna dethol fy nghysyniadau'n ofalus o'r ddau fyd hyn, ond yna, deuthum i ddeall mai delwedd – yn y ddwy wlad – yw bywyd 'pobl eraill'.' Qing Niao


Mae O’r Pedwar Gwynt yn gyhoeddiad annibynnol. Mae pob tanysgrifiad a chyfraniad yn hynod werthfawr wrth geisio sicrhau dyfodol llewyrchus i’r cylchgrawn.


 

Categorïau:

Tsieina, Ysgrifau, Qing Niao, Gwaith

 


Pobl gynnes ydynt, gyda digon o amser i sbario. Fel gwynwy yn glynu mewn melynwy, amgylchynant eu cwsmer

Dyddiad cyhoeddi: 22·05·2018

Yn ôl i frig y dudalen

Dadansoddi


Angharad Closs Stephens

Dros y misoedd diwethaf aeth llawer ati i baentio ‘Cofiwch Dryweryn’ ar waliau ac adeiladau ar hyd a lled Cymru. O blith y rhai a welais i – mewn mannau cyhoeddus ac ar blatfform trydar – mae’r arwyddion fel petaent yn golygu amrywiol bethau i wahanol bobl. Gwelais un ag…

Adolygu


Dylan Huw

Yn yr Eisteddfod Genedlaethol yn Llanrwst eleni, crëwyd yr hyn a alwyd yn AGORA, o hen ddrysau a gyfrannwyd gan bobl Sir Conwy. Gofod canolog, cyhoeddus ac agored yn ninas-wladwriaethau Hen Roeg oedd yr αγορά yn wreiddiol; mae’r gair hefyd yn golygu 'cynulliad' neu 'man cwrdd'. Paentiwyd y…

Adolygu


Esyllt Lewis

Pnawn glawog, pawb bach yn fflat, naws oer yn yr awyr. Dydd Sadwrn ola’ Steddfod. Trodd sudd yr wythnos yn byllau mwdlyd dan draed. Brysiais draw o’r maes i Oriel Ffin y Parc cyn i’r falen Eisteddfodol allu gafael ynof. Dyma ofod gogoneddus yn y goedwig, yn gynnes ynghanol…

Cyfansoddi


Guto Dafydd

Yn ôl ar y lôn, ceisia Dadi dynnu ei sylw’i hun oddi ar sŵn y caneuon plant sy’n llenwi’r car. Mae mewn lle rhyfedd – wedi laru ar garafanio, a ddim eisiau noson arall mewn carafán am amser hir, ond eto’n dyheu am dripiau eraill. Nid yw’n siŵr pam y mae’n mwynhau…

Cyfansoddi


Beirniad: Aled Llion Jones

Cyhoeddwyd ar ddydd Iau wythnos yr Eisteddfod Genedlaethol yn Llanrwst (8 Awst 2019) mai Morgan Owen yw enillydd Her Gyfieithu 2019. Yn hanu o Ferthyr Tudful, graddiodd gydag MA Astudiaethau Cymreig a Cheltaidd o Brifysgol Caerdydd yn 2017 ... 

Adolygu


Amrywiol

Dwi wedi darllen ac edmygu gwaith sawl awdur o Iwerddon yn ystod y blynyddoedd diwethaf: Fintan O’Toole, Sally Rooney, Colm Tóibín, Sara Baume, Nicole Flattery. Gwelwyd datblygiadau gwleidyddol cyffrous yn ystod y cyfnod hwn, megis y refferendwm ar erthyliad y llynedd; mae’r genedl…

Adolygu


Huw Waters

Prif gonsýrn James Bridle yn y gyfrol hon yw tynnu ein sylw at y modd y cawn ein camarwain o ganlyniad i’n hymddiriedaeth mewn technoleg. Tueddwn i feddwl bod gallu technoleg i gasglu mwy a mwy o ddata o reidrwydd yn ein harwain…

Adolygu


Richard Crowe

Roedd 2006 yn flwyddyn nodedig yn hanes hoyw Machynlleth. Dyna’r flwyddyn y cynhaliwyd y seremoni partneriaeth sifil gyntaf yn y dref, ychydig fisoedd ar ôl i’r gyfraith ganiatáu hynny, a hynny rhwng dau o gymeriadau’r gyfrol hon, sef George a Reg. Yn dystion i’r seremoni roedd…